A lingua de signos é o medio de comunicación que empregan, sobre todo, as persoas xordas ou con problemas auditivos e o seu entorno. A través dos signos expresan as súas ideas, sentimentos, necesidades e poden comunicarse e relacionarse de forma fluida.
Esta data é unha oportunidade para difundir unha imaxe positiva da lingua de signos e das persoas xordas e lembrar a necesidade de sumar esforzos para que todos e todas poidamos exercer os nosos dereitos en igualdade.
Ademais dos signos, a comunidade xorda, emprega un alfabeto especial co que deletrear certas palabras que non teñen un signo específico, como o propio nome.
Na aula de cinco anos coñecen ben este abecedario e adoitan signar as letras do seu nome. Animádesvos a buscar as letras do voso nome e realizar os signos correspondentes?
Na aula de 3 e 4 anos, cando cantan a canción dos días da semana adoitan facer o signo correspondente a cada día semana
Podedes escoitar unha canción sobre os días da semana interpretada en lingua de signos nesta ligazón
