Unha actividade moi interesante, porque implica atención, percepción visual e estruturación espacial, é a reprodución de patróns.
Estes parécennos moi recomendables porque os podedes facer empregando garfos e culleres. Aínda que aos adultos nos poidan parecer moi sinxeliños, veredes que para os nenos e nenas de infantil non o son tanto, xa que a percepción espacial aínda está en desenvolvemento.
As secuencias temporais axudan ao alumnado de infantil na estrutura da linguaxe e no desenvolvemento da noción do tempo. Esta está relacionada co conto dos tres porquiños. Podedes imprimila ou tratar de ordenala visualizandoa no voso dispositivo e indicar qué pasa primeiro, despois, ao tempo que se conta a historia. Ao ser unha secuencia con seis viñetas está mais recomendada para o alumnado de 5º e 6º de infantil.
Para o alumnado de 4º de Infantil propoñémosvos algo máis sinxeliño
Hoxe traémosvos unha proposta para traballar a atención, razoamento verbal e vocabulario.
Trátase de buscar ao intruso (elemento que non pertence a esa categoría).
Pensando nos máis peques atopamos este video que é moi sinxeliño e visual.
Para o alumnado de 4 e 5 deixámosvos estes PDF que podedes imprimir ou visualizar nos vosos dispositivos. Nos dous primeiros tedes que localizar o intruso, mentres que no último tedes que atopar os elementos que non son correctos en cada imaxe.
As actividades de buscar as diferenzas son moi positivas para traballar a discriminación visual, atención, concentración... Así que esa é a nosa proposta de hoxe.
Como sempre dámosvos varias opcións para poder realizar este tipo de actividades e diferentes niveis de dificultade.
Na web podedes atopar múltiples actividades para imprimir deste tipo. Nos aquí enlazaremos algunhas. Pero se non dispoñedes de impresora, podedes facer o voso propio "Busca as diferencias caseiro".
Para comezar e cos nenos e nenas de menor idade podedes facer a seguinte actividade:
-Colocar varios obxectos sobre a mesa. Pedirlle que peche os ollos e quitar un. Cal falta?
-Colocar varios obxectos sobre a mesa. Pedirlle que peche os ollos e cambiar a posición dos mesmos. Podería volver a colocalos como estaban antes?
Para estas dúas propostas podemos empregar a cámara de fotos para que ao rematar poida comprobar cal era o obxecto que faltaba ou se os colocou como estaban previamente.
Tamén podemos fotografar os obxectos. Realizar cambios na súa disposición, quitar algúns,... e facer a foto do antes e do despois para que nela xoguen a buscar a diferencia.
Nestes enlaces podedes acceder a un pfd para cada idade con actividades para imprimir.
A proposta de hoxe son varios xogos sinxeliños cos que traballar a atención e a memoria.
QUEN FALTA?
-Colocamos nunha bandexa 4 ou 5 obxectos.
-O neno/a observa uns segundos
-Pecha os ollos e retiramos un dos obxectos
-Debe averiguar cal falta
(O ideal é ir xogando por quendas nas que cada participante debe averiguar o obxecto que falta, non só o neno/a)
XOGO DO LORO
-Decir 3 palabras e pedir que o neno/a as repita na mesma orde
-Logo ir engadindo cada vez máis palabras para complicar o xogo
XOGO DE MEMORIA CASEIRO
Con varias tapas que sexan todas da mesma cor e tamaño, no seu interior pegar un papel con un debuxo, letra, forma xeométrica (2 de cada).
Colocalos cos debuxos boca abaixo e xogar a facer parellas.
En lugar de usar tapas tamén o podedes facer con recortes de cartón que sexan todos iguais. O número de tapas ou cartóns dependerá da idade e capacidade do peque que teñades na casa.
E que vos parece se seguimos xogando coas letras?
Hoxe podemos xogar coa letra M, de MEMORIA.
Cal é o son que fai esta letra? Podemos dicir palabras que comecen por M? E si xogamos ao xogo do loro con palabras que teñan M?
Para practicar o trazo podemos facer a letra M con diferentes materiais, debuxala no aire, nun vidro empañado,...
Buscar a letra M en envases, xornais, revistas,...
