FOTOGRAFIANDO A PRIMAVERA

En relación co proposta que vos fixemos de enviarnos fotos de como se ve a primavera desde os vosos fogares, Julia Lestón fainos chegar estas tan fermosas. Graciñas Julia!!

DÍAS DE PRIMAVERA

A primavera chegou con sol e calor, e está a encher todo de cor. Mostra diso son as fotos que estamos a recibir.
Nahia móstranos as súas árbores cargadiñas de flor.

 Jennifer envíanos a foto da súa plantiña cargada de flores e con unhas vistas espectaculares ao mar.

Xabi Brea amósanos como a súa parra volve a agromar rematado o inverno. 

Moitas grazas, familias, por compartir estas fotos con nós.
As mestras agradecémosvolo con este rock tan animado sobre a primavera. A bailar!!!

A PRIMAVERA DESDE AS NOSAS CASAS

Estamos a recibir as vosas fotos da Primavera e queremos compartilas con todas as familias.
Valeria, da aula de 5 anos, amósanos como á súa viña lle comezan a agromar novas follas.









Daniela envíanos unha foto das preciosas vistas que ten desde a súa casa 

 Mateo amósanos como as súas árbores froiteiras comezan a porse verdes despois do outono e tamén como a orquídea que teñen na casa volve a ter flor.

A profe Sela leva uns días observando desde a súa casa unha garceta que vai merendar á beira do mar. Conseguiu fotografiala e quere compartir esta imaxe con todos vós.

A profe Raquel, tamén conseguiu fotografiar esta bolboreta entre as flores do seu xardín

Animádesvos a seguir compartindo fotos da primavera con nós?

20 DE MARZO. CHEGA A PRIMAVERA

Aínda que non o pareza, porque o día está chuvioso, hoxe 20 de Marzo comeza a Primavera.

Son moitos os cambios que se producen na Natureza coa chegada desta estación.

As familias que contades con horta ou xardín poderedes comprobar como nalgunhas árbores comezan a agromar follas novas e tamén flores. Os que non, quizais podedes escoitar cantar algún paxariño desde as vosas fiestras. 

Se algo caracteriza esta estación é o canto das aves e a explosión de cores pola cantidade de flores que comezan a aparecer. Os días son máis longos e cando están soleados xa se percibe a caloriña do sol. Ademais son moitos os bichiños que comezan a saír: formigas, bolboretas, escarabellos, abellas,...

As profes queremos facervos unha proposta ás familias. Que vos parece se nos enviades fotos ao noso correo electrónico de cómo se vé a primavera desde as vosas casas, hortas e xardíns?A dirección é a seguinte: infantilricardotobio@gmail.com.  As que recibamos publicarémolas no blog para compartilas.

A profe Canucha, para animarnos coa proposta envíanos esta foto da súa cerdeira na que xa comezan a aparecer flores.

A profe Sela tamén nos propón unha adiviña. 

CANDO CHEGA O BO TEMPO

ENCHO TODOS OS CAMPOS

COA MIÑA CARA AMARELA

E O MEU BABEIRO BRANCO

Sabedes a resposta? Podedes escribila nun comentario a esta entrada do blog.

E que vos parece unha manualidade? Aquí van unhas ideas sinxelas.

E por suposto, non debemos perder a oportunidade para escoitar música e cantar. Así que vos deixamos un par de cancións sobre a chegada desta estación.

E como tampouco nos esquecemos dos clásicos, velaquí a Primavera de Vivaldi con imaxes da estación.