OS TRES OSOS

O número 3 adoita estar presente en moitos dos contos clásicos. Un deles é o dos 3 osos. Esta historia adoita encantarlle aos máis pequenos polo seu carácter repetitivo. Ademáis é ideal para traballar conceptos relacionados cos tamaños e, por suposto, valores como o respecto.

Na aula de 3 anos foi un dos contos que se leu esta semana. Tamén se visionou esta animación realizada por OQO Films a partir do mesmo.

Agardamos que a poidades disfrutar en familia!

A MELLOR SOPA DO MUNDO

 Esta semana conmemórase o Día Escolar da Paz e a non violencia. Por iso, unha das lecturas escollidas para estes días é o conto "A mellor sopa do mundo"

¡BUEN CAMINO, CELESTINO!

 Un dos libros que empregaremos para motivar o desenvolvemento do proxecto anual na aula é o que leva por título "Buen Camino, Celestino", da editorial Miau.

É un libro cheo de rimas que nos conta a historia de Celestino, un pingüín que quere facer o Camiño de Santiago e comeza a súa viaxe feliz e lixeiro, pero os seus amigos acaban enchéndolle a mochila de "por se acasos" cos que non pode cargar. 

A POTA QUE TROTA

 En 6º de infantil, gústannos moito os contos, e para comezar o ano estamos lendo o conto "A pota que trota" dentro da serie "Os contos do camiño". É divertido e recordamos valores moi importantes, como o de compartir.

Divertídevos! 

CONTOS E CANCIÓNS RELACIONADAS CO SAMAÍN

Hoxe festexamos o Samaín na escola. É unha festa coa que os nenos e nenas o pasan de medo. Son moitos os contos e cancións con esta temática que lemos e escoitamos na aula e que queremos compartir con todos vos para que poidades disfrutar deles en familia.

OBRADOIROS SOBRE A IGUALDADE

 Para este curso, a ANPA preparou un proxecto sobre a igualdade para desenvolver no centro.

A situación sanitaria que temos neste momento ocasionou que os obradoiros que estaban programados teñan que realizarse de xeito telemático.

Onte e hoxe, nas aulas de infantil tivemos unha conferencia con Marian Cobelas, quen , a través de contos, tratou achegar aos máis peques a idea de que aínda que todos somos diferentes debemos ter as mesmas oportunidades para decidir e elixir o que nos gusta, sexamos nenos ou nenas.

Achegamos o enlace con algún dos contos empregados por se queredes volver a velos en familia.

LOS COLORES

SUPERLOLA

LOS CHICOS Y LAS CHICAS TAMBIÉN PUEDEN

¿LAS PRINCESAS USAN BOTAS DE MONTAÑA?

LALO, EL PRINCIPE ROSA

ADIVIÑA CANTO CHE QUERO

Este curso tan atípico chega ao seu fin. Sentimos moito que a despedida teña que ser deste xeito, de forma virtual.

Aínda así, non queremos deixar de mostrarvos o noso agradecemento e de manifestarlle o noso cariño aos vosos pequenos e pequenas.

Para iso seleccionamos este conto que para nós e moi especial. Poderán adiviñar os peques canto os queremos??

Ata a lúa e volta!!

Agardamos que disfrutedes deste verán, aínda que sexa dun xeito distinto. Vémonos en Setembro con moitas ganas!

Apertas!!!

POR CATRO ESQUINIÑAS DE NADA

A profe Raquel, empregando a técnica do Stop Motion,  cóntanos "Por catro esquiniñas de nada". Un conto moi especial sobre a diversidade e a necesidade de aceptarnos tal e como somos. A igualdade non consiste en que todos sexamos iguais nin nos traten a todos por igual, senón que a sociedade debe adaptarse ás peculiaridades de cada individuo para que se produza unha plena inclusión. Este conto transmite esa mensaxe dunha forma moi sinxeliña aos máis peques.

RÁ DE 3 OLLOS

Coincidindo coa conmemoración do Día Mundial do Medio Ambiente, o alumnado de 5º de primaria preparou este vídeo a partir do conto "Rana de tres ojos", de Olga de Dios.

Queren compartilo con todo o alumnado de infantil, xa que o fixeron con moito cariño para vós.

Agardan que vos guste!!

A MELLOR SOPA DO MUNDO

Hoxe, un cociñeiro moi especial, traenos a receita para facer a mellor sopa do mundo!!
A que agardades para ver o vídeo? Facede click nesta ligazón e tomade nota!

O PROFE JOSE PREPARA "A MELLOR SOPA DO MUNDO"

DE QUE COLOR ES UN BESO?

Lembrades que a semana pasada Canucha e Raquel contaron cadanseu conto relacionado coas cores e fixeron varias propostas de xogo relacionadas con este tema?

Pois esta semana, grazas a que outras compañeiras mestras son xenerosas e comparten os seus traballos,  traémosvos actividades  en liña a partir do conto "De que color es un beso?"

Na ligazón que vos deixamos podedes ver e escoitar o conto, responder preguntas relacionadas co mesmo e resolver adiviñas sobre as cores. Animádesvos?

DE QUE COLOR ES UN BESO?

CANCIÓNS E CONTOS PARA REPASAR OS NÚMEROS

Nesta publicación deixamos as ligazóns a varias cancións e contos cos que repasar a serie numérica.

A EURUGA LAMBETEIRA

O alumnado de 5º curso de Primaria e a súa mestra Carmela, pensando no alumnado de infantil, versionaron o conto "Unha eiruga moi larpeira" de Eric Carle, e prepararon este pequeno vídeo. A partir del podemos repasar os números, os días da semana, vocabulario relacionado con alimentos, e sobre todo falar da importancia dunha alimentación saudable.
Agardan que vos guste

O certo é que os vermes de seda son uns comellóns. Mirade canto medraron os que está coidando a profe Raquel. Fártanse de comer moreira, e cada vez son máis grandes. Estamos ansiosas porque comecen a tecer o seu casulo, pero aínda temos que agardar un pouquiño máis.

PEQUENO AZUL E PEQUENO AMARELO

A profe Canucha cóntanos este conto tan especial sobre as cores. Titúlase Pequeno azul e pequeno amarelo

Despois de escoitalo...que vos parece si creades o voso pequeno verde? Podedes facelo mesturando plastilina azul e amarela. Pero tamén o podedes facer con pinturas, ceras ou lápises de cores. Animádesvos?

XOGAMOS COAS CORES?

Para repasar as cores, sobre todo cos máis peques, e ao mesmo tempo traballar contidos matemáticos, vocabulario, atención e discriminación visual, traémosvos varias propostas

-Buscar as cores: Dicir nomes de cores e buscar na casa elementos que sexan desa cor

-Clasificar por cores: Coller obxectos da casa (pinzas, botóns, tapas, ...) e clasificalos por cores. Contar cantos hai de cada


-Xogar ao vexo vexo coas cores: Trátase de adiviñar un obxecto que estamos vendo e que é dunha determinada cor

-Mesturar cores: Se temos pinturas na casa ou plastilina de cores, facer mesturas para observar as cores resultantes

-Recortes de cores: Recortar obxectos de revistas ou facer anaquiños de diferentes cores e pegar os da mesma cor todos xuntos

Relacionado coas cores, Raquel cóntanos este conto que leva por título Crocodilo

E aquí podedes escoitar un par de cancións sobre as cores

OS TRES PORQUIÑOS. CONTO E CANCIÓN

Relacionada coa proposta de Jose, dexámosvos as ligazóns ao video de Disney de Os tres porquiños e  a unha canción en galego relativa a este conto.

CONTO MOTOR. OS TRES PORQUIÑOS

Para esta semana, o profe Jose proponnos un conto motor que aos nenos e nenas lles gusta moito, e que xa teñen feito nas clases de psicomotricidade. "O dos tres porquiños".
Trátase de ir representando o conto ao tempo que se vai contando.
Neste PDF tedes todas as instrucións.
CONTO MOTOR. OS TRES PORQUIÑOS

CONTO: GATO GUILLE E OS MONSTROS

Hoxe, a profe Canucha cóntanos o conto Gato Guille e os monstros. É un conto que trata o tema dos medos dunha forma moi divertida e con un final feliz e reconfortante.

Algunhas das actividades que podedes facer a partir do conto son:
-Falar sobre os seus  medos, que cousas os asustan?
-No conto menciónanse diferentes partes da casa. Cales son? Que hai en cada unha? Deste xeito traballamos ese vocabulario.
-Debuxar a nosa casa e a nosa familia
-Gato e Guille comezan pola letra G, que outras palabras coñecemos que comecen por esa letra? Podemos trazar a letra G, compoñela con diferentes materiais, escribir un listado de palabras con esa letra,...

Ademais, na web atopamos varios recursos que, si o vedes oportuno, podedes imprimir e cos que podedes crear un títere do Gato Guille ao que podedes vestir.

ACTIVIDADE 1

ACTIVIDADE 2

ACTIVIDADE 3.1
ACTIVIDADE 3.2

DEBUXO GATO GUILLE

CONTO. A CEBRA CAMILA

Hoxe, Raquel cóntanos o conto da Cebra Camila.

A partir do conto tamén podedes facer varias actividades:
-Contar ata sete, que foron as raias que perdeu Camila.
-Contar desde o sete cara atrás
-Debuxar a Camila e aos outros personaxes do conto
-Fixarse en que Cebra e Camila comezan pola letra C, pero o son que fai nesas palabras é diferente.

E tamén podedes imprimir algunha destas actividades.

ACTIVIDADES PARA IMPRIMIR CEBRA CAMILA

AS PITAS BAIXO A CHOIVA

As pitas baixo a choiva é unha das obras de Ricardo Carvalho Calero máis axeitadas para público infantil.
Neste vídeo tedes unha adaptación feita polo profesorado do CEIP Vilaverde- Mourente, para que sexa máis asequible ao alumnado de infantil

E se vos apetece cantar, aquí tedes varias cancións de "As pitas baixo a choiva". Son catro cancións creadas para ambientar a representación dramática desta obra. Agardamos que vos gusten!!




https://aspitasbaixoachoiva.bandcamp.com/album/as-pitas-baixo-a-choiva