POLO SAN MARTIÑO TROMPOS O CAMIÑO.

 Estamos no San Martiño e tempo de xogar cos trompos no camiño.

Vamos a pobar que tal nos salen os trompos.Propoñemos facer estos que son moi sinxelos,Na clase de 4 anos fixemolos e saironnos xenial.Pasamolo moi ben!!!

QUE SUSTO!

 E que vos parece comezar cunha actividade de plástica ? 

Mirade estes simpáticos fantasmas e morcegos feitos con tubos de papel hixiénico....poderían servir para decorar as nosa casas ... que xa chega  o Samaín !!!

A NAVEGAR

Para hoxe tráemosvos unha proposta moi divertida. Trátase dunha manualidade con material de reciclaxe que temos pola casa e coa que poderemos disfrutar xogando coa auga na bañeira, na praia ou na piscina.

Consiste en elaborar barquiños de xoguete caseiros. Pode ser:

-Con cartóns de leite

-Con botellas de xel ou champú

-Con cartón

-Con esponxas ou estropallos

-Con botellas

-Con tapóns de cortiza

Nesta ligazón podedes atopar, de xeito detallado, cómo elaborar cada un deles.

Elixide o voso favorito e... a navegar!!!

MANUALIDADES CON MATERIAL DE RECILAXE

A semana pasada conmemoramos o día do Medio Ambiente, e falabamos da necesidade de seguir a regla das tres R: Reducir, Reutilizar e Reciclar.

Tendo isto en conta traémosvos varias propostas de manualidades para darlle outra vida a envases e material de refugallo que podemos ter pola casa.

As caixas de ovos poden ser moi útiles. Con elas podemos crear flores, eirugas,...



Con revistas e cartón podemos crear un marco para fotos ben xeitoso: Con follas de revistas vellas enrrolámolas poñéndolle pegamento na punta,para que se aguante firme. Pegamos a foto e os rolos sobre un retángulo de cartón e... queda perfecto!

Os tarros de coservas e mermelada tamén podemos reutilizalos de moitas maneiras, Unha delas é decoralos e pintalos para crear floreiros.

Isto son só exemplos. Se lle botades imaxinación ou buscades na web podedes atopar miles de ideas. Animádesvos? Podedes enviarnos fotos das vosas creacións!

15 DE MAIO. DÍA DA FAMILIA

Ola familias!
Antes de nada queremos darvos os parabéns por cómo afrontástedes esta situación de confinamento cos vosos nenos e nenas, intentando aproveitar este tempo para compartir actividades en familia e levando a cabo propostas enriquecedoras para os máis peques da casa.
Esta semana celébrase o Día das familias. Normalmente na escola faciamos algunha manualidade para sorprender ás persoas da nosa casa con algún agasallo.
Este ano, non pode ser así. Por iso vos suxerimos adicar nese día un tempo para facer unha actividade especial en familia: ver fotos familiares, unha película todos xuntos, unha receita,...
Pero tamén podedes levar a cabo unha manualidade como as que facemos no cole. Crear algo entre todos para logo disfrutalo.
Aquí van uns exemplos:
-Escoller unha foto familiar e  prepararlle un marco chulo para colocala.



-Facer debuxos dos nosos familiares e enmarcalos

Disfrazar unhas culleres de plástico de simpáticos personaxes que representen a cada membro da familia para logo colocar nunha maceta

Facer flores calcando as palmas das mans de cada membro da familia e decorándoas con cores

Son só ideas. O importante é que disfrutedes dese día todos xuntos!!

UN TELÉFONO CON VASOS DE IOGUR

Ola familias!
A proposta de hoxe ten algo de manualidades e tamén de ciencia. Seguro que cando erades peques o tedes feito na escola ou na casa para xogar: Un teléfono con vasos de iogur.
A idea fíxonola chegar Valeria, da aula de 6º de Infantil, que nos enviou unha foto xogando con este trebello.

Pareceunos unha proposta moi sinxeliña coa que poder divertirse e aprender sobre cómo viaxa o son. O son viaxa polo aire, pero tamén pode facelo a través doutros materiais. Queredes comprobalo?

MATERIAL NECESARIO
-2 botes de iogur
-Cordel ou lá (3 metros aproximadamente)
-Tesoiras
-Agulla ou punzón

ELABORACIÓN
-Realizar un pequeno orificio na parte de abaixo de cada vaso
-Introducir en cada orificio un extremo do cordel e anudalo para que non se solte

Cada persoa colocarase nun extremo do teléfono tensando o cordel. Mentras un fala o outro escoita,comprobando como o son viaxa a través dos vasos e o cordel que os une.

Os peques poden decorar os vasos. Se pegades un trozo de papel cubrindo o vaso será máis sinxelo que eles poidan debuxar sobre el. Tamén poden pegarlle pegatinas.

https://www.manualidadesinfantiles.org/manualidades-envases-telefono-yogures

Ademais da manualidade podemos aproveitar para xogar coa palabra Teléfono e a letra T.
-Escribir a palabra TELÉFONO e facer preguntas: E longa ou curta? Cantas letras ten? Por cal empeza? Por cal remata?
-Compoñer a letra T con distintos materiais, pensar en palabras que comecen por T, facer unha lista de palabras que se escriban con T,...
Todo isto dependendo da etapa na que se atope cada peque.

Agradecemos moito que nos fagades chegar ideas, suxerencias, porque as propostas que xurden dos nenos e nenas e as súas familias, son as máis motivadoras de todas.
Graciñas!

UNHA PASCUA DIFERENTE

Aínda que non o pareza, achégase a Pascua. Este ano ímola a celebrar dun xeito diferente. Probablemente non será posible reunirnos cos nosos padriños, pero desta vez quizais podemos ser nós os que lles preparemos un agasallo para cando os vexamos, ou incluso decorar as nosas casas cuns simpáticos coelliños e guirnaldas de ovos de cores.
Velaquí algunhas ideas que atopamos na rede e que vos poden servir de inspiración.




Con esta entrada despedímonos ata a volta da Semana Santa. Aínda que sexa bastante atípica, desexamos que poidades descansar e disfrutar na medida do posible. Moito ánimo e unha forte apreta das tres mestras: Canucha, Sela e Raquel.
Felices pascuas, familias!!

20 DE MARZO. CHEGA A PRIMAVERA

Aínda que non o pareza, porque o día está chuvioso, hoxe 20 de Marzo comeza a Primavera.

Son moitos os cambios que se producen na Natureza coa chegada desta estación.

As familias que contades con horta ou xardín poderedes comprobar como nalgunhas árbores comezan a agromar follas novas e tamén flores. Os que non, quizais podedes escoitar cantar algún paxariño desde as vosas fiestras. 

Se algo caracteriza esta estación é o canto das aves e a explosión de cores pola cantidade de flores que comezan a aparecer. Os días son máis longos e cando están soleados xa se percibe a caloriña do sol. Ademais son moitos os bichiños que comezan a saír: formigas, bolboretas, escarabellos, abellas,...

As profes queremos facervos unha proposta ás familias. Que vos parece se nos enviades fotos ao noso correo electrónico de cómo se vé a primavera desde as vosas casas, hortas e xardíns?A dirección é a seguinte: infantilricardotobio@gmail.com.  As que recibamos publicarémolas no blog para compartilas.

A profe Canucha, para animarnos coa proposta envíanos esta foto da súa cerdeira na que xa comezan a aparecer flores.

A profe Sela tamén nos propón unha adiviña. 

CANDO CHEGA O BO TEMPO

ENCHO TODOS OS CAMPOS

COA MIÑA CARA AMARELA

E O MEU BABEIRO BRANCO

Sabedes a resposta? Podedes escribila nun comentario a esta entrada do blog.

E que vos parece unha manualidade? Aquí van unhas ideas sinxelas.

E por suposto, non debemos perder a oportunidade para escoitar música e cantar. Así que vos deixamos un par de cancións sobre a chegada desta estación.

E como tampouco nos esquecemos dos clásicos, velaquí a Primavera de Vivaldi con imaxes da estación.