TODO NATURAL

Os últimos contos que publicamos no blog, "A eiruga lambeteira" e "A mellor sopa do mundo", poden ser unha fantástica excusa para abordar o tema da alimentación saudable. E agora que se aproxima o verán e a calor sempre apetecen alimentos máis refrescantes como froitas e verduras.

E necesario que os nenos e nenas coñezan a importancia dunha dieta rica e variada con productos sans, frescos e nutritivos.

Para animalos a consumir productos naturais achegamos esta canción do grupo MAMÁ CABRA. 

Todo natural

E para repasar as cores, os números e as froitas, mirade que vídeo tan chulo atopamos.

Que? Animádesvos a contar froitas e agrupalas por cores? Despois, con elas, podedes preparar unha macedonia ben rica!!

CANCIÓNS E CONTOS PARA REPASAR OS NÚMEROS

Nesta publicación deixamos as ligazóns a varias cancións e contos cos que repasar a serie numérica.

CONTO. A CEBRA CAMILA

Hoxe, Raquel cóntanos o conto da Cebra Camila.

A partir do conto tamén podedes facer varias actividades:
-Contar ata sete, que foron as raias que perdeu Camila.
-Contar desde o sete cara atrás
-Debuxar a Camila e aos outros personaxes do conto
-Fixarse en que Cebra e Camila comezan pola letra C, pero o son que fai nesas palabras é diferente.

E tamén podedes imprimir algunha destas actividades.

ACTIVIDADES PARA IMPRIMIR CEBRA CAMILA

XOGOS MATEMÁTICOS CON PINZAS

Para hoxe traémosvos varias propostas de xogo e aprendizaxe cun material que todos temos nas nosas casas, as pinzas da roupa.
Co seu manexo axudamos a mellorar a motricidade fina, pero ademais, as posibilidades de xogo son case ilimitadas.
Aquí vos deixamos varias propostas de menor a maior dificultade que podedes escoller dependendo do nivel evolutivo de cada neno

-Clasificar pinzas por cores e contar cantas hai de cada (Se na casa as pinzas que tedes son de madeira podedes pintalas con ceras ou rotuladores)
-Facer series de cores coas pinzas: azul-vermello-azul-vermello (Pódese empezar con dúas cores e logo ir aumentando a dificultade).
-Colocar tantas pinzas como indique o número: En un rolo de papel, recorte de cartón,...podemos escribir o número e os peques deberan colocar as que este indique.
-Escribir nas pinzas os números do 1 ao 10 e colocalas por orde nun cartón para formar a serie numérica.
-Asociar esas pinzas cos números a cartóns nos que haxa debuxados unha determinada cantidade de puntos, obxectos,...
-Os máis maiores tamén poden realizar sumas contando pinzas

https://www.pinterest.es/pin/360639882642719677/
https://ruthmtello.blogspot.com/2019/05/6-pinzas-y-sumas-divertidas_13.html
https://aprendiendomatematicas.com/cantidades-y-pinzas-de-ropa/
https://www.sitly.es/blog/jugar-con-numeros
https://br.pinterest.com/pin/293648838206581543/

AS MATEMÁTICAS NA VIDA COTIÁ

No día a día podemos atopar un montón de momentos moi útiles para traballar contidos matemáticos.Velaquí uns exemplos e consellos.

-Polas mañás podemos mirar o calendario, rodear ou tachar o día no que nos atopamos, dicir que día da semana é, contar cantos días faltan para que remate a semana ou o mes, marcar datas sinaladas e contar os días que faltan para que cheguen...

-Se almorzamos galletas mirar a súa forma, contar cantas comemos,...

-Poñer a mesa para comer, contar cantos somos e colocar todo o preciso

-Estimar cantos cuarteiróns pode ter unha mandarina, laranxa,allo e logo contalos

-Comparar tamaños de froitas, vasos, tazas, cubertos (grande, mediano, pequeno,...)

-Mirar o reloxo para saber que hora é

-Cando facemos unha receita contar as culleradas de azucre, fariña,...

-Crear unha pequena axenda telefónica con algúns números significativos para os nenos e nenas e marcar no teléfono os números para facer unha chamada

-Se temos escaleiras na casa contar cantas subimos, baixamos. Se non temos escaleiras podemos contar os pasos que hai desde unha habitación a outra, entre a cociña e o salón,...

-Buscar números pola casa: nos envases, na matrícula do coche, no teléfono, reloxo, termómetro, cinta mética,...Tratar de identificalos, pensar para que sirven eses números,...

-Comparar o peso de diferentes obxectos da casa. Facer hipótesis de cal pesa máis, cal menos e logo comprobalo,...

-Xogar con pinzas, tapas, clasificalas por cores, contar cantas hai de cada, sumar as de unha e outra cor, poñer, quitar,...

-Hai moitos xogos de mesa que podedes aproveitar para traballar contidos matemáticos: oca, parchís, cartas,... Podedes xogar a ver quen quita o número máis alto no dado, dar tantos chimpos ou aplausos como marca o dado, coas cartas boca abaixo coller unha e ver quen ten o número máis alto,...

Para practicar o trazo da grafía dos números dunha forma divertida podedes facelo sobre azucre, sal, fariña,...Tamén podedes moldear os números con plastilina ou masa.



Se dispoñedes de tempo, tamén vos deixamos algunha idea sinxeliña para elaborar materiais con elementos que podedes ter pola casa e cos que os peques poden pasar un rato entretidos.


https://www.aprenderjuntos.cl/jugar-con-legos-patrones-numeros-y-sumas/

https://aprendiendomatematicas.com/cantidades-y-pinzas-de-ropa/

http://papelisimo.es/2015/02/juegos-matematicos-para-ninos-con-pinzas/