A NAVEGAR

Para hoxe tráemosvos unha proposta moi divertida. Trátase dunha manualidade con material de reciclaxe que temos pola casa e coa que poderemos disfrutar xogando coa auga na bañeira, na praia ou na piscina.

Consiste en elaborar barquiños de xoguete caseiros. Pode ser:

-Con cartóns de leite

-Con botellas de xel ou champú

-Con cartón

-Con esponxas ou estropallos

-Con botellas

-Con tapóns de cortiza

Nesta ligazón podedes atopar, de xeito detallado, cómo elaborar cada un deles.

Elixide o voso favorito e... a navegar!!!

ABECEDARIOS

A proposta que vos traemos hoxe consiste na creación dun abecedario natural e dámosvos varias opcións.

Con pedriñas:
Coas pedriñas que hai na praia ou no río podemos crear un abecedario ben xeitoso, trazando con pintura ou rotulador permanente as letras sobre elas. Se aplicamos unha capa de barniz trasparente por riba terán un acabado máis brillante e duradeiro.
Logo podemos xogar a compoñer palabras, localizar as letras que ten o noso nome, as iniciais dos compañeiros,...



Con cunchas:
Podemos facer o mesmo empregando cunchas que atopemos na praia

Para o alumnado da aula de 5 anos,  nesta ligazón tedes unha proposta para traballar a lecto-escritura con cunchas
https://ladiversiva.com/manualidades-saturna-crea-juego-lectoescritura-ninos

Creación de letras con follas, pauiños,...


Nesta ligazón atoparedes múltiples ideas e actividades de lecto-escritura para todas as idades empregando materiais naturais
http://lluviadeideasyrecursos.blogspot.com/2015/05/recursos-actividades-lectoescritura-infantil-primavera-naturaleza.html

Por último, achegámosvos unha canción coa que recordar as letras do abecedario en galego

ENREDOS CON CALCETÍNS

Estes días parece que a chuvia volverá estar presente, polo que teremos que pasar máis tempo na casa. Tendo en conta itso, a proposta que vos presentamos hoxe pretende que vos divirtades, ao tempo que os nenos e nenas adquiren novos aprendizaxes, empregando un material moi sinxelo e común: Os calcetíns!

-Estimar e contar calcetíns:
Facer un montón con calcetíns e estimar cantos pode haber. Logo comprobalo contando

-Emparellar calcetíns:
Facer un montón  cos calcetíns da casa e buscar a parella de cada calcetín. Ensinarlles a doblalos e meter un dentro doutro. Deste xeito, ademais de traballar a discriminación visua,l estamos  axudando a mellorar a motricidade fina.

-Calcetíns multiusos:
Esta actividae consiste en poñer en marcha a creatividade e pensar en posibles usos que poden ter os calcetíns a maiores do habitual: Poden convertirse en unha corbata, un lazo para o pelo, unha bufanda...

-Pelota de calcetíns:
Elaborar unha pelota con calcetíns e xogar con ela: Pasárnola de uns a outros e ao que lle caia das mans perde un punto; elixir un obxecto a modo de diana para derribar ou tocar lanzando o calcetín; usala como balón de fútbol e intentar meter un gol nunha portería improvisada, que poden ser as patas dunha silla, por exemplo.
Con estes xogos melloramos as habilidades motrices dos nenos e nenas. Algo fundamental nestas idades.

-Títere de calcetín:
Confecionar un títere a partir dun calcetín é unha actividade moi divertida coa que se desenvolve a creatividade. Podemos coser ou pegar uns botóns a modo de ollos, anacos de la como se fose o pelo,... Buscaremos un nome para o títere e podemos xogar con el a representar diferentes situacións. Animádesvos? Podedes enviarnos fotos do títere que confecionedes en familia.

MANDALAS

A proposta que vos traemos para hoxe consiste na creación de mandalas.

Os mandalas son figuras circulares, de orixe místico, que na cultura oriental ou asíatica representan artísticamente o universo.

Nas aulas úsanse con fins educativos, xa que axudan a traballar a atención, concentración e a creatividade.

Podedes crear mandalas con elementos que teñades na casa ou con elemetos que recollades no monte, no campo ou na praia: pedriñas, cunchas, piñas, flores,...

Nos mandalas adoita haber un elemento central e en torno a el vanse creando círculos concéntricos.

Para que vos resulte máis sinxeliño crear o mandala, podedes comezar por colocar o elemento central e logo con un xiz ir debuxando círculos en torno a el, que cubriredes cos distintos elementos.

Aquí deixámosvos algún exempolo, pero podedes atopar moitos máis na rede.

Animádesvos a enivarnos fotos dos vosos mandalas?

 

https://micajondesastreinfantil.blogspot.com/2018/10/mandalas-naturales.html

https://www.orientacionandujar.es/mandalas-naturales-coleccion-de-fotografias-2/

https://actividadesinfantil.com/archives/9622

Tamén engadimos algún mandala que podedes descargar para colorear

MANDALA 1

MANDALA 2

MANDALA 3

Nesta páxina podedes atopar moitísimos máis.

https://www.escuelaenlanube.com/mandalas-primaverales/

REINTERPRETAR OBRAS DE ARTE

Desde o equipo de biblioteca fannos unha proposta ben fermosa para conmemorar o día dos museos, que se celebra o 18 de Maio.

https://bibliotecamestreagrelo.wordpress.com/2020/05/08/reinterpretar-obras-de-arte/

Consiste en reinterpretar obras de arte e danse varias posibilidades.
Para que o alumnado de infantil tamén poida participar imos a darvos varias opcións sinxeliñas.

Realizar composicións inspiradas en Arcimboldo.
Este artista ten unha serie de retratos compostos por elementos naturais que recordan cada estacion. Tendo isto en conta, na casa, podedes xogar a crear retratos con froitas, vexetais, follas, pauiños,...

Exemplos:

Crear composicións inspiradas en Paul Klee

Este artista ten moitas obras con motivos xeométricos. As formas que emprega recordan aos bloques de construcción de madeira que temos na escola  e que moitos nenos e nenas teñen nas súas casas.Por iso pensamos que con eles podedes construír unha cidade semellante á que se representa nas súa obra. Pero tamén podedes empregar formas xeométricas recortadas en papel ou cartolina e pegalas construíndo unha obra parecida.

Exemplos:

Crear obras inspiradas en Alexander Calder
Este artista é coñecido polas súas esculturas (móbiles), pero tamén ten cadros. Emprega formas moi sinxeliñas. Principalmente círculos. Todas estas son obras de Calder. Animádesvos a compoñer algo similar debuxando círculos ou empregando tapas de plástico, por exemplo?



Exemplo dun mobil creado con tapas de plástico inspirado en Calder:



Realizar composicións inspiradas en Vasily Kandinsky
Outro artista que empregaba os círculos nas súas composicicóns é Kandinsky e unha das súas obras máis coñecidas é esta.

Pódese recrear recortando cadrados e  círculos de diferentes tamaños e cores. Pero tamén se poden facer os círculos con plastilina.
Exemplo:

Convertirse no personaxe dunha obra de arte
Durante o confinamento fixéronse virais as imaxes de persoas escenificando obras de arte. Trátase de intentar reproducir o escenario, a vestimenta, a posición, para imitar unha obra.

De todas estas opcións podedes coller a que máis vos guste. Pero só son exemplos. Por suposto, tedes liberdade para recrear outras obras de arte que vos gusten ou buscar máis opcións en internet.

Animádevos e enviádenos as fotos da vosa recreación ás tiroras, ao correo de infantil ou ao correo da biblioteca antes do 25 de Maio.

RECORTAR E PEGAR

Para hoxe traémosvos outra proposta que ten moitas posibilidades: recortar e pegar.

É importante que os nenos e nenas aprendan a manexar as tesoiras. Por motivos de seguridade estas deben ser tesoiras de uso infantil con punta redondeada e é importante que os acompañedes durante o seu uso.

O uso de tesoiras axúdalles a desenvolver  a súa motricidade fina e a coordinación óculo manual. Por tanto, o feito de recortar por recortar, sen ningún outro fin, xa é unha boa actividade.

Para os máis pequenos, que comezan a manexar as tesoiras, podemos ser os adultos os que cortemos tiras de papel e logo lle pidamos que as corten en cadradiños pequenos.

Pra os que xa teñen máis soltura recortando, os catálogos de supermercado, revistas e xornais son un material valiosísimo, xa que poden recortar diferentes elementos que aparezan neles.

Se realizamos composicións cos elementos que recortamos, e os pegamos nun folio ou cartulina, estamos a traballar a técnica plástica do collage e desenvolvendo a nosa creatividade: compoñer caras, paisaxes, formas, crear composicións disparatadas,... son actividades moi interesantes.

Se recortamos letras e xogamos a compoñer o noso nome ou outras palabras, tamén estamos a traballar a lectura e a escritura.

Que vos parece a proposta? Animádesvos a facer as vosas creacións e a enviarnos fotos?


http://plastiquem.blogspot.com/2014/04/tallers-de-plastica-ed-infantil-9.html?showComment=1397645216075#c6603689196623978067

https://www.pinterest.es/cnuezrincon/collage-infantil/

http://trabajandoenedinf.blogspot.com/2018/09/actividades-con-nuestro-nombre-2.html
http://talbaescola.blogspot.com/2012/02/letras-recortadas-sin-recortar-letras.html

PARA XOGAR A CREAR CONTOS

Como vos dicíamos na publicación anterior, nesta entrada imos a ofrecervos varias posibilidades de xogo que vos poden axudar na creación dos vosos contos.

-Partir dunha imaxe motivadora para crear a historia. 

Que vos parecen estas? Cal vos gusta? Poderiades crear un conto a partir dela?

(Imaxe: aulaplaneta.com)

Empregar un dado para crear historias

Cos dados para contar historias podemos facer distintas actividades e son de gran axuda para que os nenos e nenas poidan inventar contos:
-Os dados poden ser de ditintas categorias (personaxe, lugar e obxecto) e para crear a historia podedes utilizar unha soa categoría (só un personaxe, un obxecto, o un lugar).
-Utilizar dous, por exemplo un lugar e un personaxe, ou un personaxe e un obxecto.
-Inventar contos con obxectos, aos que se lles dota de vida, ou contar a vida dese obxecto....

Aquí deixamos unha ligazón para que poidades imprimir eses dados.

DADOS PARA CREAR CONTOS PDF

http://lapiceromagico.blogspot.com/2015/04/cubos-para-inventar-cuentos.html

Se non dispoñedes de impresora non vos preocupedes, porque podedes facer a mesma actividade cuns papeliños nos que escribades a palabra ou debuxedes o elemento, metelos nun saquiño, quitar unha ou dúas tarxetas sen mirar e crear a historia a partir desas palabras ou imaxes.
Incluso, en lugar de papeliños, podedes facelo con pedriñas sobre as que escribades a palabra ou debuxedes algo.



https://elauladejanire.wordpress.com/2015/04/01/ideas-para-el-aula-piedras-para-contar-historias/

https://actividadesinfantil.com/archives/8805
Que vos parece?

Se tedes dúbidas sobre como facelo podedes deixarnos algún comentario ou escribirnos ao correo.

DEBUXOS MÁXICOS

Por si vos aburrides nesta fin de semana, Jenni, fainos unha proposta ben chula, que a ela lle parece maxia. Mirade!!

MATERIAL NECESARIO
-Papel de cociña
-Rotuladores
-Cubeta
-Auga

REALIZACIÓN
Cortar dous pregos de papel de cociña, deixándo un sobre outro
-No prego inferior facer un debuxo con rotuladores
-No superior trazar só o perfil dese debuxo
-Introducir os pregos en auga
-Observar o que acontece

UNHA PROPOSTA MOI SINXELIÑA E CON MOITAS POSIBILIDADES

Ola familias! Hoxe querémosvos facer unha proposta moi sinxeliña que pensamos que ten múltiples posibilidades. Ademais de ser moi enriquecedora a nivel sensorial, contribúe ao desenvolvemento da creatividade dos nenos e nenas e axúdalles a mellorar a súa grafomotricidade.

MATERIAL NECESARIO
-Unha caixa
-Papel do tamaño do fondo da caixa
-Cores
-Un destes elementos a elixir: Fariña, azucre, area, pan raiado, arroz...
PREPARACIÓN
-Pintar de moitas cores o papel
-Colocalo no fondo da caixa
-Cubrilo con fariña, azucre, area, pan raiado ou arroz.
-Debuxar sobre iso co propio dedo, con un pincel, un pau,...

Podedes facer debuxos ou ben trazar formas xeométricas, números, letras, escribir o nome, palabras,...
Como vedes ten múltiples posibilidades e trabállase a escritura dunha forma divertida. Animádesvos?


Caixa sensorial para grafomotricidade

FABRICAMOS PLASTILINA?

Ola familias! Hoxe traémosvos outra proposta que nos parece moi interesante e que pensamos que  pode axudar a desenvolver a motricidade fina dos mais peques ao tempo que fomentamos a súa creatividade.
Que vos parece fabricar plastilina? Na rede podedes atopar múltiples receitas. Nos seleccionamos unha  que nos pareceu moi sinxeliña.

INGREDIENTES: 
-3 vasos de fariña
-1 vaso de sal fina
-1 taza de auga
-De 2 a 5 culleradas de aceite (empezar engadindo dúas)
-Colorante alimentario (opcional)

ELABORACIÓN:
-Poñer todo en un recipiente e mesturar ben.
Si a textura é demasiado dura, podes ir engadindo máis aceite.

Tedes máis información no seguinte enlace

PLASTILINA CASEIRA EN CINCO MINUTOS

Con esa plastilina que fabriquedes, ademais de formas, figuras, podedes aproveitar para facer números, letras, compoñer os vosos nomes...

Se queredes contarnos que vos parece a proposta ou falarnos da vosa experiencia creando este material podedes deixarnos os vosos comentarios.