Para hoxe tráemosvos unha proposta moi divertida. Trátase dunha manualidade con material de reciclaxe que temos pola casa e coa que poderemos disfrutar xogando coa auga na bañeira, na praia ou na piscina.
Consiste en elaborar barquiños de xoguete caseiros. Pode ser:
-Con cartóns de leite
-Con botellas de xel ou champú
-Con cartón
-Con esponxas ou estropallos
-Con botellas
-Con tapóns de cortiza
Nesta ligazón podedes atopar, de xeito detallado, cómo elaborar cada un deles.
A semana pasada conmemoramos o día do Medio Ambiente, e falabamos da necesidade de seguir a regla das tres R: Reducir, Reutilizar e Reciclar.
Tendo isto en conta traémosvos varias propostas de manualidades para darlle outra vida a envases e material de refugallo que podemos ter pola casa.
As caixas de ovos poden ser moi útiles. Con elas podemos crear flores, eirugas,...
Con revistas e cartón podemos crear un marco para fotos ben xeitoso: Con follas de revistas vellas enrrolámolas poñéndolle pegamento na punta,para que se aguante firme. Pegamos a foto e os rolos sobre un retángulo de cartón e... queda perfecto!
Os tarros de coservas e mermelada tamén podemos reutilizalos de moitas maneiras, Unha delas é decoralos e pintalos para crear floreiros.
Isto son só exemplos. Se lle botades imaxinación ou buscades na web podedes atopar miles de ideas. Animádesvos? Podedes enviarnos fotos das vosas creacións!
Hoxe, 5 de Xuño, conmemórase o Día Mundial do Medio Ambiente.
Ao longo do curso estivemos realizando múltiples actividades relacionadas con este tema e que pretenden que os nenos e nenas coñezan mellor o medio que os rodea para aprender a coidalo e respectalo: proxecto sobre os bosques, aves, plantación de árbores, separación de residuos, compostaxe, traballo na horta,...
A variedade de alimentos que comemos, o aire que respiramos, a auga que bebemos e o clima que fai posible a nosa vida no planeta, son producto da natureza. Por iso é tan importante coidala. E iso debe ser unha tarefa de todos!
Debemos estar atentos e ser conscientes de que cada pequeno xesto conta, Nós desde a nosa casa hai moitas cousas que podemos facer tendo en conta a regla das tres R: Reducir, Reutilizar e Reciclar
Reducir:
-Levar a nosa propia bolsa cando vaiamos a comprar e comprar só aquílo que imos precisar.
-Apagar as luces ou outros dispositivos cando non os usemos.
-Lembrar pechar a billa cando non precisamos a auga: por exemplo mentras cepillamos os dentes, nos enxabonamos,...
Reutilizar:
-Darlle outra vida aos envases, envoltorios: aproveitar os papeis de regalos para facer manualidades, crear xogos e enredos con vasos de iogur, botellas de plástico..
-Donar os nosos xoguetes, roupa, calzado, que xa non usemos pero sigan en bo estado
Reciclar:
-Separar o lixo na casa e tirar cada bolsa no contedor correspondente para poder reciclar
-Facer compost na casa cos restos de materia orgánica (Lembrade que este curso a cada neno/a se lle entregou un composteiro que facilitaron desde o Concello)
O noso planeta é un entorno precioso no que viven moitas especies de animais e plantas. Nos bosques, ríos, mares,...hai moita vida e nós precisamos todo iso para vivir. Por iso debemos coidalo.
Todas estas son pequenas cousas que cada un de nós pode facer, pero se todos nos comprometemos podemos conseguir algo moi grande! E vos? Comprometédesvos co noso planeta?
