CANCIÓNS PARA CELEBRAR O AMOR

 Hoxe, 14 de Febeiro, celébrase o día do amor e a amizade. E que mellor maneira de facelo que cantando e bailando. Velaquí  un par de cancións xeitosas para esta data.

CANCIÓNS PARA O DÍA DA PAZ

 Con motivo da conmemoración do día da Paz estas serán algunhas das cancións que escoitaremos estes días na aula. Agardamos que as disfrutedes tamén nas vosas casas

CANCIÓN: A MELLOR SOPA DO MUNDO

Sabiades que a partir  do conto do que vos falamos onte "A mellor sopa do mundo" se creou unha canción?

É moi divertida e con moito ritmo.

Podedes escoitala neste enlace 

  

POLO SAN MARTIÑO TROMPOS O CAMIÑO.

 Estamos no San Martiño e tempo de xogar cos trompos no camiño.

Vamos a pobar que tal nos salen os trompos.Propoñemos facer estos que son moi sinxelos,Na clase de 4 anos fixemolos e saironnos xenial.Pasamolo moi ben!!!

O NOSO CORPO

 OLA CHICOS E CHICAS !

Neste trimestre estamos a traballar o noso corpo. Aquí vos deixamos unhas divertidas cancións que tamén podedes bailar..

CONTOS E CANCIÓNS RELACIONADAS CO SAMAÍN

Hoxe festexamos o Samaín na escola. É unha festa coa que os nenos e nenas o pasan de medo. Son moitos os contos e cancións con esta temática que lemos e escoitamos na aula e que queremos compartir con todos vos para que poidades disfrutar deles en familia.

CANCIÓNS PARA DIVERTIRSE NO VERÁN

Este curso tan diferente chega ao seu fin. Xa están aquí as vacións do verán. Por iso vos achegamos estas cancións tan divertidas para cantar e bailar!

Que non falte a alegría este verán

TODO NATURAL

Os últimos contos que publicamos no blog, "A eiruga lambeteira" e "A mellor sopa do mundo", poden ser unha fantástica excusa para abordar o tema da alimentación saudable. E agora que se aproxima o verán e a calor sempre apetecen alimentos máis refrescantes como froitas e verduras.

E necesario que os nenos e nenas coñezan a importancia dunha dieta rica e variada con productos sans, frescos e nutritivos.

Para animalos a consumir productos naturais achegamos esta canción do grupo MAMÁ CABRA. 

Todo natural

E para repasar as cores, os números e as froitas, mirade que vídeo tan chulo atopamos.

Que? Animádesvos a contar froitas e agrupalas por cores? Despois, con elas, podedes preparar unha macedonia ben rica!!

DE QUE COLOR ES UN BESO?

Lembrades que a semana pasada Canucha e Raquel contaron cadanseu conto relacionado coas cores e fixeron varias propostas de xogo relacionadas con este tema?

Pois esta semana, grazas a que outras compañeiras mestras son xenerosas e comparten os seus traballos,  traémosvos actividades  en liña a partir do conto "De que color es un beso?"

Na ligazón que vos deixamos podedes ver e escoitar o conto, responder preguntas relacionadas co mesmo e resolver adiviñas sobre as cores. Animádesvos?

DE QUE COLOR ES UN BESO?

CANCIÓNS E CONTOS PARA REPASAR OS NÚMEROS

Nesta publicación deixamos as ligazóns a varias cancións e contos cos que repasar a serie numérica.

XOGAMOS COAS CORES?

Para repasar as cores, sobre todo cos máis peques, e ao mesmo tempo traballar contidos matemáticos, vocabulario, atención e discriminación visual, traémosvos varias propostas

-Buscar as cores: Dicir nomes de cores e buscar na casa elementos que sexan desa cor

-Clasificar por cores: Coller obxectos da casa (pinzas, botóns, tapas, ...) e clasificalos por cores. Contar cantos hai de cada


-Xogar ao vexo vexo coas cores: Trátase de adiviñar un obxecto que estamos vendo e que é dunha determinada cor

-Mesturar cores: Se temos pinturas na casa ou plastilina de cores, facer mesturas para observar as cores resultantes

-Recortes de cores: Recortar obxectos de revistas ou facer anaquiños de diferentes cores e pegar os da mesma cor todos xuntos

Relacionado coas cores, Raquel cóntanos este conto que leva por título Crocodilo

E aquí podedes escoitar un par de cancións sobre as cores

OS TRES PORQUIÑOS. CONTO E CANCIÓN

Relacionada coa proposta de Jose, dexámosvos as ligazóns ao video de Disney de Os tres porquiños e  a unha canción en galego relativa a este conto.

XOGOS DE MÍMICA

Os xogos de mímica axudan aos nenos e nenas a mellorar a súa expresión corporal e a manifestar sensacións e sentimentos mediante a comunicación non verbal. Ademais, a través destas actividades adquiren un mellor control do seu propio corpo, fomentan a súa imaxinación e creatividade ao tempo que se divirten. 

Para o xogo precísanse dous ou máis participantes. Un debe representar só cos xestos e os demais teñen que adiviñar. Logo se rota para que todos fagan mímica.

Antes do xogo podedes decidir a qué faran alusión eses xestos. Dámosvos varias posibilidades

1.Imitar animais: andar como se fósemos una serpe, un león, unha xirafa…, e que os demáis consigan adiviñar de qué animal se trata.

2.-Expresar distintas emocións: enfado, temor, alegría, sorpresa,…no, só co rostro, senón tamén con todo o corpo.

3- Imitar diferentes accións como pode ser: cociñar, pescar, pintar, talar unha árbore, comer…

4- Representar distintas prácticas deportivas: montar en bicicileta, xogar ao fútbol, nadar, montar a cabalo,… 

5- Facer a representación dos números ou das letras co noso corpo.

6- Expresar distintas sensacións como por exemplo calor, frío, sono, fame…

Un xogo relacionado coa mímica e ao que todos xogamos cando eramos pequenos é o de Antón Pirulero. Lembrades?

Participan varias persoas, cantas máis, máis divertido.

Unha delas é Antón Pirulero, que vai cantando a canción mentras se toca o nariz cun dedo. Canda un dos outros participantes imita os movementos dun oficio (coser, tocar a guitarra, peitear, serrar,..) e cando Antón deixa de facer o seu xesto e fai o doutro participante, este ten que deixar de facelo e facer o de Antón, ata que este volva ao seu. É un xogo que require moita atención e resulta divertido. Apetécevos probar?

Cancíón:

Antón, Antón

Antón Pirulero,

cada cual, cada cual,

que atienda a su juego

y el que no lo atienda

pagará, pagará

pagará una prenda.

QUEREMOS GALEGO!

Como xa sabedes, este domingo celébrase o día das Letras Galegas. Por iso nos parecen moi oportunas estas cancións en defensa da nosa lingua.

Teñen moito ritmo, así que seguro que os peques disfrutan con elas!!

E para rematar...que tal unha muiñeira? Atrevédesvos? Uxía Lambona e a súa banda molona dannos as indicacións para bailala.

AS PITAS BAIXO A CHOIVA

As pitas baixo a choiva é unha das obras de Ricardo Carvalho Calero máis axeitadas para público infantil.
Neste vídeo tedes unha adaptación feita polo profesorado do CEIP Vilaverde- Mourente, para que sexa máis asequible ao alumnado de infantil

E se vos apetece cantar, aquí tedes varias cancións de "As pitas baixo a choiva". Son catro cancións creadas para ambientar a representación dramática desta obra. Agardamos que vos gusten!!




https://aspitasbaixoachoiva.bandcamp.com/album/as-pitas-baixo-a-choiva

EN GALEGO...MEU O MUNDO É!

A canción "Meu o mundo é!", conta que a nosa lingua non ten límites, que todo é posible en galego: arte, música, teatro, cine, deporte, ciencia... ata explorar o espazo! As nosas palabras son fermosas, poderosas e expresan o que sentimos. Vive en galego, constrúe o teu mundo en galego! "En galego falo, en galego sinto, en galego canto, sabes que non minto. En galego todo podo facer, en galego estou no mundo... Meu o mundo é! En galego leo, en galego escribo, en galego bailo, sabes que non minto. En galego todo podo facer, en galego estou no mundo... Meu o mundo é!"

O POLO PEPE

O conto do Polo Pepe sempre é un éxito cos nenos e nenas de infantil. Como é un libro moi sinxeliño e con uns pop-ups moi chamativos, adoitamos empregalo durante o período de adaptación, pero debido ao interese que esperta neles, calquera momento é bo para contalo, e disfrutan con el tanto os máis pequenos coma os máis grandes. Ademais, a canción que acompaña este conto é moi divertida e gústalles moito.
Por iso, hoxe, Raquel cóntanos o conto do Polo Pepe.

E aquí deixámosvos a canción desta historia

Escoitáchedes ben a canción? Recoñecedes algún dos instrumentos que soa? Un deles é o triángulo. Que tal se buscades cousiñas na casa que teñan esa forma?
E agora...animádesvos a escribir o título do conto e a debuxar ao polo Pepe e á súa mama? Se queredes podedes enviarnos os vosos debuxos.

QUE COUSA COUSIÑA É?

O profe Gonzalo preparou para o alumnado de infantil unha canción ben chula Con moitas adiviñas. Leva por título Que cousa cousiña é?
Seguro que cando a escoitedes pasaredes todo o día cantándoa porque é moi pegadiza. Fixádevos tamén nos instrumentos que toca Gonzalo. Coñecedelos? Seguro que si.

Ademais fixo unha adicatoria para cada unha das clases. Así que deberedes elixir o video correspondente a cada aula.

Disfrutade da canción!!

QUE COUSA COUSIÑA É? (Con adicatoria para a aula de 3 anos)

QUE COUSA COUSIÑA É? (Con adicatoria para a aula de 3 e 4 anos)

QUE COUSA COUSIÑA É? (Con adicatoria para a aula de 5 anos)  

RADIO PICARIÑA

Radio Picariña é a primeira canle dixital de música infantil e xuvenil da historia da Radio Galega. Pon á disposición dos usuarios unha selección coas mil mellores cancións en lingua galega para os máis pequenos.

Ofrece a posibilidade de seleccionar a música que desexen escoitar entre todos os temas. Deste xeito, desde o reprodutor pódese navegar por toda a listaxe de cancións e elixir as que se queiran oír, desde o PC ou ben desde dispositivos móbiles.

Para acceder aos contidos de ‘Radio Picariña’, os usuarios da web só deben entrar nesta ligazón

RADIO PICARIÑA

As cancións que inclúe a nova emisora dixital están ordenadas de forma alfabética por título. Na información que se mostra ao usuario está o título da canción, o álbum ao que pertence e os autores da mesma.

Música infantil, de calidade e en galego! Que a disfrutedes!!!

CONTO: PACO PAPÁN

Ola!
Para comezar esta nova semana imosvos a deixar un conto que algúns de vos xa coñeceredes. Titúlase Paco Papán.

Ademais este conto ten unha canción ben chula, que podedes escoitar nesta ligazón.

E que vos parece se facemos unhas actividades a partir do conto?
Podemos debuxar a Paco e así traballamos a representación do esquema corporal.
E se escribimos o seu nome? É un nome curto ou longo? Cantas letras ten? Por cal empeza? Cal é o son que fai esa letra? Sabemos máis palabras que comecen así? Cales?
Podemos debuxar unha "P" ben grande e decorala, facer unha letra P con masa ou plastilina,.... Os mais maiores tamén poden escribir unha lista de palabras que comecen por P.

Ademais o conto fai referencia aos diferentes días da semana. Así que podemos aproveitar para repasalos: recitar a secuencia dos días, preguntar cal é o primeiro día semana, o último, cal ven despois?

A nos parecenos que este é un conto con  moitas posibilidades. Así que agardamos que o disfrutedes!!