21 DE MARZO. DÍA DA POESÍA

Hoxe, 21 de Marzo, celébrase o día da Poesía. Poesía e música van moitas veces da man. Así que, inspiradas polos arcos da vella que estes dias se están vendo nas fiestras de moitos fogares, imos deixar por aquí este poema musicado de Manuel María

O arco da vella

no ceo subido

co seu colorín

co seu colorido.

 

O arco da vella

con sete colores

que teñen, no ceo,

 beleza de flores.

 O arco da vella

 no ceo chantado

 co seu colorín,

co seu colorado.

O arco da vella

 é un arco triunfal

con sete guerreiros

que a ninguén fan mal.

 O arco da vella

 de luz feito é.

 ¡Resulta un milagre

que siga de pé!

 Manuel María: «Os soños na gaiola»