COMPARTINDO MÁIS MOMENTOS IV

Nahia cóntanos que esta semana tivo tempo para xogar con Linda, e envíanos unha foto con ela e con Golfo. Por fin puido visitar a avoa e saltar na colchoneta que ten na sua horta. Ensínanos as vistas tan bonitas que hai desde un banquiño que ten a súa avoa alí.
Como agora se pode pasear, tamén foi ver as vaquiñas ao monte e ensínannos unha becerriña ben bonitiña que teñen. Tamén foi de paseo polo monte co seu padriño e o can da súa avoa, Roco.
Ademáis, como lle gusta tanto a cociña, agora ten un uniforme! Mirade que guapa!
Entre paseos, axudar na casa e cociñar, aínda lle queda tempo para ver o noso blog e realizar as propostas. Envíanos a foto da súa mandala feita con un unha piña decorada, tapóns, cunchiñas da praia, corazóns e pompóns.

Sara dinos que estivo traballando nas actividades do conto da Cebra Camila e eenvíanos varias fotos.

Martín está traballando moito na casa e na horta! Estivo plantando fresas e colaborando na limpeza do terreo, coa desbrozadora e todo!

Mateo ensínanos cómo coida as plantas da súa casa e móstranos o peixe que fixo pegando recortes de papel. Tamén nos envía unha foto preparando o seu letreiro coa palabra para o vídeo das Letras Galegas.

Clara envíanos varias imaxes facendo ximnasia no corredor da súa casa. Tremenda elasticidade!

Jaiza ensínanos as culleriñas que decorou polo día da familia e tamén o retrato que pintou. Mirade que chulo lle quedou!

Iria, María e Antía fixeron unha actividade ben chula para o día da familia. Calcaron as mans de todos os membros da familia, decoráronas e con elas prepararon unha flor ben fermosa! Fantástico rapazas! Alegrámonos que disfrutarades desta actividade todos xuntos!