2 DE ABRIL. DÍA MUNDIAL DE CONCIENCIACIÓN SOBRE O AUTISMO

Cada ano, no marco da campaña do Día Mundial de Concienciación sobre o Autismo, o movemento asociativo do autismo en España, súmase á iniciativa mundial Light It Up Blue, promovendo a iluminación en azul de edificios e monumentos do noso país como mostra de solidaridade coas persoas con trastorno do espectro autista e as súas familias. En 2019, máis de 350 de toda España se teñiron de azul a tarde/ noite do 2 abril.

Este ano, adaptouse esta iniciativa á situación de crisis sanitaria que vivimos, propoñendo demostrar de maneira diferente esa solidariedade coas persoas con TEA, as súas familias e todas aquelas persoas que están axudando a este colectivo. Como? Sumándonos ao reto #LIUB e iluminando as terrazas, balcóns ou ventás o próximo 2 de abril ás 21:00 horas. Non é preciso usar una luz azul. Podes sumarte utilizando o teu  móbil, unha lanterna ou cualquera outra fonte de luz. Non obstante, se queredes conseguir que a luz sexa desa cor, podedes pegarlle un papel ou plástico azul na lanterna.
Podedes compartir a vosa acción en redes sociais xunto ao hashtag #DiaMundialAutismo.

Outras iniciativas para este día propoñen decorar os balcóns ou ventás con algo azul ou incluso crear muíños de papel desa cor.

A concienciación sobre o autismo non debe ser cousa dun día só. É importante que os peques comprendan que todos somos diferentes e cada un de nós ten unhas necesidades especiais.

Para comprender mellor o que lles pasa ás persoas con TEA propoñémosvos a visualización deste video Mi hermanito de la luna.