Xogar coas nosas mascotas, coidar do xardín, facer deporte, cociñar, ler, e por suposto traballar no blog son moitas das cousas que estamos a facer estes días. Pero queremos que saibades que vos botamos moito de menos e que estamos desexando volver a vervos.
Todos estamos a facer un gran esforzo quedándonos na casa e gustaríanos crear un pequeno vídeo para homenaxear a todo o noso alumnado.
Realizarémolo a partir das imaxes que nos enviastedes para subir ao blog. As familias que aínda non enviaron ningunha imaxe poden facelo ata o 30 deste mes.
Ademais desas imaxes,queremos dar a oportunidade de que os peques poidan enviar saúdos ou mensaxes de ánimo aos seus compañeiros. Por iso, cada familia deberá facernos chegar unha imaxe, ben dun debuxo ou dun texto, que fagan os nenos, sobre un folio ou cartulina.
Lembrámosvos a dirección de correo electrónico á que debedes envialo infantilricardotobio@gmail.com. Se vos resulta máis cómodo tamén llo podedes enviar a través dunha mensaxe a cada titora. A data límite é tamén o día 30.
Graciñas!!!
No hay comentarios:
Publicar un comentario